خطا عزيز جاب ثلاث قوي النار والياس والجضر
لو حسبت ساس غلاك مبنى عالخطا ما شقيت باوله
كل امرار عليه اقدرنا امفيت خطا لولاف قهرنا
خطاي من خطاك معاي سبق خطاك كافيت بالخطا
يوم بعد عام نظرناهم يوم اسود من يوم خطاهم
لو كان لخطاهم لقيت عزم العين ماراها بكت
مازال واجعك ياعين فرقاهم الي ماله سبب
ماايموت نين انموت سطار جرح داروه القدم
ملي داروها في الخاطر ديما ياعقلي تساطر
زمان يالعقل اسلاف حملو بلاك كافيهم ابها
اظلمت فيك نين اتعبت شينك زمان ماصاحب لحد
اتصدق ماانصدق في شئ عزيز بعد هجرانه لي
ظلموني اعزاز بكيت واندمت في امغالاتي الهم
انخاف يا عزيز الظلم يرد عليك واتقول ضرني
كنيب في عزيز انعشم يرخوه الي رخاني لجلهم
الي مامتنا يوم خطاك انعيشو يا العزيز بلاك
عيني سالت يوم خطاهم وانعميت ساعه فرقاهم
من سيه الاولاف وجاي انخلط في نومي ببكاي
فاهق شين عزيز امخلي سيورك تبكي واتملي
نلقا عزيز في ايد الغير قهاير وحسوفه وكاينه
فقد العزيز ديما ايسير غير خلوه الدار توجعك
خان غلاى وقسمي لطه خنجر بين اظلوعه حطه
مسكين خاطري اظلموه حطوه في خطا مو دايره
موضوع: غناوي 
الأربعاء ديسمبر 15, 2010 2:57 pm
